നടി രേഖ രതീഷ് വഴിവന്ന കല്യാണ ആലോചനയാണ് എന്നാൽ ഒരിടത്തും രേഖയില്ല കാര്യം മനസിലാവാതെ ആരാധകർ
മാസങ്ങള്‍ നീണ്ട കാത്തിരിപ്പിന് വിരാമമിട്ട് യുവ കൃഷ്ണയും മൃദുല വിജയും വിവാഹിതരായിരിക്കുകയാണ്. തലസ്ഥാനനഗരിയിലെ ആറ്റുകാല്‍ ക്ഷേത്രത്തില്‍ വെച്ചായിരുന്നു വിവാഹം. അടുത്ത ബന്ധുക്കളും സുഹൃത്തുക്കളുമായിരുന്നു വിവാഹ ചടങ്ങില്‍ പങ്കെടുത്തത്. വിവാഹ ശേഷമായി സ്വകാര്യ ഹോട്ടലില്‍ വിരുന്നും നടത്തിയിരുന്നു. വിവാഹത്തിന്റെയും വിരുന്നിന്റെയും ചിത്രങ്ങളും വീഡിയോയുമെല്ലാം സോഷ്യല്‍ മീഡിയയിലൂടെ വൈറലായിക്കൊണ്ടിരിക്കുകയാണ്. വിവാഹസമയത്ത് മൃദുല അണിഞ്ഞ ആടയാഭരണങ്ങളെക്കുറിച്ചും സാരിയെക്കുറിച്ചുമുള്ള വിശേഷങ്ങളും ശ്രദ്ധേയമായിക്കൊണ്ടിരിക്കുകയാണ്. ചിത്രങ്ങളിലൂടെ വിശദമായി വായിക്കാം. വിവാഹനിശ്ചയം കഴിഞ്ഞ് 6 മാസമായിരിക്കുകയാണ്. ഇനിയും വിവാഹം നീട്ടാന്‍ പറ്റാത്ത അവസ്ഥയായിരുന്നു.
കൊവിഡ് കാലമായതിനാല്‍ അധികം ആളുകളെയൊന്നും വിളിച്ചിട്ടില്ല. അക്കാര്യത്തില്‍ ഞങ്ങള്‍ക്ക് രണ്ടാള്‍ക്കും സങ്കടമുണ്ടെന്നായിരുന്നു യുവയും മൃദുലയും ഒരുപോലെ പറഞ്ഞത്. സെറ്റും മുണ്ടുമണിഞ്ഞായിരുന്നു മൃദുല ആദ്യമെത്തിയത്. അമ്പലത്തിലെ ചടങ്ങിന് ശേഷമായി സാരിയും ആഭരണങ്ങളും മാറ്റുകയായിരുന്നു. വിവാഹ സമയത്ത് മൃദുല അണിഞ്ഞ സാരിയെക്കുറിച്ചുള്ള ചര്‍ച്ചകളും സോഷ്യല്‍ മീഡിയയില്‍ അരങ്ങേറിയിരുന്നു. മൂന്നാഴ്ചയായി 6 നെയ്ത്തുകാര്‍ ചേര്‍ന്നാണ് മൃദുലയ്ക്കായി സാരി ഒരുക്കിയത്. കോളം കോളം പോലെയായുള്ള ഡിസൈനാണ് സാരിയുടേത്. ഒരാഴ്ച തുന്നിയാല്‍ ഏഴ് കോളമേ വരൂ, അതാണ് മൂന്നാഴ്ച തുന്നേണ്ടി വരുന്നതെന്ന് ഡിസൈനര്‍ വ്യക്തമാക്കിയിരുന്നു.
ഈ വിവരം മൃദുല പങ്കുവെച്ചിരുന്നു. വിവാഹ സാരിയുടെ ഡിസൈന്‍ വീഡിയോ നേരത്തെ മൃദുല പങ്കുവെച്ചിരുന്നു. വ്യത്യസ്തമായി എന്തെങ്കിലും ചെയ്യണമെന്നുണ്ടായിരുന്നു. മേക്കപ്പ് ആര്‍ടിസ്റ്റായ വികാസ് ചേട്ടനാണ് ഇതേക്കുറിച്ച് പറഞ്ഞ് തന്നതെന്നും താരം പറഞ്ഞിരുന്നു. മൃദുലയെ നവവധുവായി ഒരുക്കിയത് വികാസായിരുന്നു. ഒരുക്കങ്ങള്‍ക്കിടയിലെ വീഡിയോയുമായി വികാസ് എത്തിയിരുന്നു. 35000 രൂപയുടെ സാരിയാണ് വിവാഹ സമയത്ത് മൃദുല ധരിച്ചിരുന്നത്. ഇത്രയും നാളത്തെ സമ്പാദ്യം മുഴുവനും കല്യാണത്തിനായി ചെലവഴിക്കുന്നതിനോട് താല്‍പര്യമില്ല. ഒരുദിവസത്തെ ആഡംബരത്തിനായി സമ്പാദ്യം മുഴുവനും തീര്‍ക്കുന്നതിനോട് യോജിപ്പില്ലെന്നും നേരത്തെ മൃദുല പറഞ്ഞിരുന്നു.
മൃദുലയുടെ വിവാഹസാരിയുടെ വിലയെക്കുറിച്ചും ആരാധകര്‍ ചര്‍ച്ച ചെയ്തിരുന്നു. വ്യത്യസ്തമായ ബ്ലൗഡ് ഡിസൈനായിരുന്നു മൃദുല തിരഞ്ഞെടുത്തത്. ബ്ലൗസില്‍ മൃദുലയുടേയും യുവയുടേയും പേര് ചേര്‍ത്ത് മൃദ് വ എന്നെഴുതിയിരുന്നു. രണ്ടുപേരും പരസ്പരം ഹാരമണിയിക്കുന്ന ചിത്രവുമുണ്ടായിരുന്നു. അമ്പലത്തിലെ ചടങ്ങിന് ശേഷമായി വിരുന്നിനെത്തിയപ്പോള്‍ യുവയും മൃദുലയും വസ്ത്രങ്ങള്‍ മാറ്റിയിരുന്നു. ഒരേനിറത്തിലുള്ള വസ്ത്രങ്ങളായിരുന്നു ധരിച്ചത്. പൂക്കാലം വരവായി എന്ന പരമ്പര കാണുന്നവര്‍ക്കെല്ലാം ഏറെയിഷ്ടമാണ് അഭിയുക്ത ജോഡിയെ. ഭാര്യയ്ക്ക് ശേഷം മൃദുല വിജയും അരുണ്‍ രാഘവും ഒരുമിച്ച പരമ്പര കൂടിയാണ് പൂക്കാലം വരവായി.
സീ കേരളം ചാനലില്‍ സംപ്രേഷണം ചെയ്തുവരുന്ന പരമ്പരയ്ക്ക് മികച്ച സ്വീകാര്യതയാണ് ലഭിച്ചുകൊണ്ടിരിക്കുന്നത്. ചുരുങ്ങിയ കാലം കൊണ്ട് തന്നെ പ്രേക്ഷകരുടെ പ്രിയ പരമ്പരയായി മാറുകയായിരുന്നു ഇത്. അപ്രതീക്ഷിതമായാണ് അഭിയുടെ ജീവിതത്തിലേക്ക് സംയുക്ത എത്തിയത്. തുടക്കത്തിലെ പൊരുത്തക്കേടുകള്‍ക്കൊടുവില്‍ ഇരുവരും പരസ്പരം മനസ്സിലാക്കി മുന്നേറുകയാണ്. മൃദുലയുമായുള്ള കെമിസ്ട്രിയെക്കുറിച്ച് വാചാലനായി നേരത്തെ അരുണ്‍ രാഘവ് എത്തിയിരുന്നു. ഭാര്യ സീരിയലിലും ഭാര്യഭര്‍ത്താക്കന്‍മാരായാണ് ഇരുവരും അഭിനയിച്ചത്. വര്‍ഷങ്ങളായി തനിക്ക് മൃദുലയെ അറിയാമെന്ന് താരം പറഞ്ഞിരുന്നു.
